Hr. Rængbål han tjænner i æ kånng hans gor
—I æ lun’—
Å dæ tjæn’t han i manne oo’r
—I æ skow der falmer æ jomfru’er—
Han tjæn’t æ’t får annen løn
Æn får Gulbårri hun war så skjøn
Han giilje hin da mæ list
Slæt ingen skjøn’ riier’et vist
Han gilje hin da mæ u’er
slæt ingen skjøn’ rii’er det tu’er
Gulbårri, Gulbårri! Samel gul’ u’i di skrii’n
Imæns a såårler æ gråganger mii’n
Ja, kan du samel gul’ i sæk
Mæns a ka træk gråganger te bæk
Hr. Ribål han språn’g te hywwen hæst
Han sa’t Gulbårrig i får ve hans brøst
Han ræ’ær som han no kunn’et bæst
Mæn han ræ’ær som det ty’k war mjæst
Dæærr de kam’ i rosenlun’
Dæær løstet’et Ribål å tyew en stån’
Han bon’ hans hæst ve en lenngræ’n
Han kååst en graw, han war æ’ sie’n
Gulbårri hun soj’ å tæn’t ve ’sæ
Hwæm mon den graw’ ska væ ’te
Te di hun’ æ en få lång
Å te di hæst dæ æ en få trån’g
Næj, den æ æ’ te æ hun’ dæ æ mi’in
Mæn te Gulbårri så faw’er å fi’in
Ja, hist du si’er dæm blå’k
Å dæær lewwer swaarflå’k
Å hist du sier en lel’le knål’
Dæær ån’ner lewwer å’t jåmmfru’er djer gul’
Å hist ka du sier en lel’le fluer
I dæn dæ rinner å’t jåmmfru’er djer djær blu’er
Å du ska væær den niien
Å lii få de anner djær synner
Enhwær hå nåk ui æ syn’ si æj’æn
så hår a ow nåk i mi æj’en
Mæn lææng hår du gilje mæ
Mo a da æ’ jæn’ gång løsk dæ?
Jow, gjaarn mo du løsk mæ lii
Åm du æ’ i søøwnn vil mæ swii
Swii’ mæ Gud fåå’r i Hemmeri’
Åm a dæ i søøwn ska swii
Han låår hans huer i hinne skør
Han sow en søwn, den war æ’ så søø’r
Gulbårri hun soj å tin’t ve ’sæ
Mån mi snøørboo’n ka æ’ hjæl’p mæ
Gulbårri løst aw hinne snøørboo’n
Så boo’n hun Ribål hans fu’er og håå’n
Hun gik så te den lelle flu’er
I den dæ rææn å’t jåmfru’er djær blu’er
Ja, hun gik så hæn te den lelle knål’
Dærån’er låw’ å’t jomfru’uer djer gul’
Å så gik hun hæn te æ blå’k
som dæ stuk swar i flå’k
Hun skwaj jen, å hun skwaj tow
Dæn træær hun a æ ski’er dråw’
Swåå’r mæ, swaa’r – åm te du æ gu’er
Åm te du ka røør ve miniskblu’er
Ja, væ du fast i æ håån te dæ
Som a æ hvas i æ åå’r te mæ
Wåwn åp, Ribål! Å snak mæ mæ
I søwwn a æ’ vil swiie dæ
A bee’r dæ Gulborri! Få di u’er
La mæ føst æ præst og skrøw’temål fo
Næj, a skal skrøw’t dæ al’ebæst
Såå’ skrøw’ter dæ ingen såwnepræst
A bee’r dæ Gulbår! Få di nawn:
La mæ æ’ lew få hun’ å raw’n
A ska hwær’ken læw dæ få hun’ hælle raw’n
Mæn i æ graw du sjæl’ hå graw’n
Så håw hun ham i stø’ker smoo’
Som det menst løw’ i æ lun’ dæ lå’
Gulbårri hun språn’g o hæst så hyw’
Så ræj’ hun væk å æ fåw’l dæn fløw’
No lew’er Ribål få hun’ å raww’n
—I æ lun’—
Gulbårrig hun bær’ hinne jomfrunaw’n
—I æ skåw dæær falmer æ jomfru’er—
credits
from Donnimaar. Vredens Børn,
released September 23, 2021
Lyrics: traditional, Johanne Thygesdatter, Ane Mikkelsdatter, and others
Jutlandic reinterpretation from the Standard Danish: Michael Ejstrup
Melodies: Marie Kølbæk Iversen
Arrangement and recording: Katinka Fogh Vindelev
Lead: Marie Kølbæk Iversen
Soprano: Katinka Fogh Vindelev
Counter tenor: Morten Grove Frandsen
Mastering: Tommy Vestergaard
Graphic design: Louise Hold Sidenius in collaboration with Marie Kølbæk Iversen
"Donnimaar. Vredens Børn" is a music and visual arts project by Marie Kølbæk Iversen revolving around the magic songs of her
great-great-great-great-grandparents, who in 1873 were the ethnographic subjects of Danish folklore collector Evald Tang Kristensen when he visited their house on Ørre Hede in Western Jutland....more
The haunting new record from Canadian folk artist Avi C. Engel bridges old and new traditions with a minimalist approach. Bandcamp New & Notable Feb 24, 2024
Hushed folk-based songs build from feathery acoustic guitar figures and draped with layers of keys and pedal steel. Bandcamp New & Notable Oct 14, 2023
Sanguine but uplifting, the Toronto singer-songwriter's "transfigured" folk songs ponder existential themes with grace and wonder. Bandcamp New & Notable Jun 21, 2023
A dreamy improv-folk collage from Toronto multi-instrumentalist Clara Engel, who plays cigar box guitar, talharpa, melodica, and many more. Bandcamp New & Notable Apr 20, 2022
More genre-hopping folk experiments from the Toronto artist, utilizing lap steel guitars, tongue drums, found instruments, and more. Bandcamp New & Notable Aug 25, 2021
